Noticias - Asociación de Montaña Lagun Onak, Gipuzkoa

Europako Mendietara irteera

el .

20220624 Europako Mendiak

Urtero legez, hemen da gure urteko irteerarik kuttunenetakoa: uztailean, Europako Mendietara! Larunbatean goizean goiz aterako gara eta, behin hara iritsita, bi ibilbide izango dituzue aukeran: bata gogorra, Sotresetik Fuente Deko kablera Vega de Urriellu eta Horcados Rojoseko lepotik barrena (20 km, +1.800 m); bigarren aukera errazagoa da, hasiera eta amaiera berdina ditu, baina ibilbidea Duje bailaratik egingo da, Alivako aterpetik pasata (13 km, +1.000 m). Hemen bertan eman dezakezue izena baina bizkor ibili, plaza kopurua 30era mugatuta dago eta!

  • Eguna: uztailak 9, larunbata; eta uztailak 10, igandea.
  • Ibilaldi mota: helduen asteburu irteera.
  • Irteera: larunbatean goizeko 4:00etan, anbulategi aurretik.
  • Larunbateko ibilaldiak:
    • 1. ibilaldia: ibilaldi gogorra. 20 km, +1.800 m. Sotres-Vega de Urriellu-Horcados Rojoseko lepoa-Fuente Deko kablea.
    • 2. ibilaldia: ibilaldi ertaina. 13 km, +1.000 m. Sotres-Duje bailara-Aliva-Fuente Deko kablea. 
    • Bi kasuetan, kable erabiliz jaitsiko gara eta handik autobusez Potesera.
  • Igandeko ibilaldia (aukerakoa):
    • Cruz de la Viorna (1.151 m) mendira joan-etorria. 
    • Itzulerako autobusa 12:00ak aldera abiatuko da Potesetik eta bazkaria bidean egingo da (ez dago ordainean sartuta). 
  • Ordaina (autobusean bertan egingo da):
    • Bazkideak: 60 euro.
    • Langabetu eta ikasleak: 45 euro.
    • Bazkide ez direnak: 70 euro.
    • Ordainean sartzen dena: joateko eta etortzeko autobusa, Poteseko Brisas del Deva albergean larunbateko afaria, lo egitea eta igandeko gosaria.
  • Izena emateko azken eguna: uztailak 7, osteguna, 21:00etan.
  • Plaza kopurua: 30 pertsona.

Momentuz plazak beteta. Lotarako leku gehiagoren bila gabiltza. Interesa baduzu, deitu 635721692 telefonora.

29 lagun, Erga mendira egindako irteeran

el .

Pasa den asteko larunbatean, 29 mendizale gaztetxo eta helduk hartu zuten parte Erga mendira eta Trinitate baselizara egin genuen mendi irteeran. Eguraldi bikaina lagun, goizean 4 ordu eta erdi inguruko ibilbidea osatu genuen eta, ondoren, Irurtzungo igerilekuetan bazkaldu eta atseden hartu genuen. Egun benetan borobila!

Argazki galeria osoa esteka honetan duzue: labur.eus/erga2022

20220623 Erga

Ekainaren 18an, Lapurdira Gure Eskuko lagunekin

el .

20220604 Larhun

Ekainaren 18rako ‘entrenamendua’ proposatzen dizuegu. Zertarako? Uztailaren 2an egingo den #PirinioetakoBidea ekimenerako. Horretarako, Azpeitiko Gure Eskurekin elkarlanean, Larhun mendira irteera antolatu dugu. Beratik igoko dugu mendia, uztailaren 2an egingo den ibilbidea ikuskatzeko, eta ondoren Lapurdin barneratzea proposatzen dizuegu: Sarara jaitsi, eta handik Senperera, txangoa aintzira ondoan amaitu arte. Paisaia ederrak eta bide atseginak, beraz ez pentsatu gehiegi, eman izena gure web orrian eta etorri gurekin!

  • Eguna: ekainak 18, larunbata.
  • Ibilaldi mota: helduen egun osoko ibilaldia.
  • Irteera: goizeko 8:00etan, anbulategi aurretik.
  • Amaiera: aurreikuspena, 16:00etan amaitzea ibilaldia.
  • Ordaina (autobusean bertan egingo da):
    • Bazkideak: 10 euro.
    • Bazkide ez direnak: 15 euro.
  • Ibilbidea: hemen.

Izen-emate formularioa

Lege oharra eta Pribatasun Politika irakurri

Formulario hau betez ematen dizkiguzun datu pertsonalak Lagun Onak MB-k, webgune honen arduradun gisa tratatuko dituela jakinarazten dizugu. Bidalitako datuak ez zaizkie hirugarrenei emango. Zure kontua sortutakoan, zure profilean datuak aldatzeko aukera izango duzu. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: lagunonakmb@hotmail.com. Datuen babesari buruzko informazio gehigarria eta xehatua gure pribatasun-politikan kontsulta dezakezu.

Ekainaren 19an, Erga eta Trinitatera gaztetxoekin

el .

20220610 Erga copia

Ekainaren 19an, haur eta gaztetxoekin Nafarroara egun pasa joatea proposatzen dizuegu: goizean mendira, eta arratsaldean igerilekura. Ibilaldia egiteko aukeratu dugun parajea Erga mendia eta Trinitateko baseliza dira, eta txangoa Irurtzunetik hasiko dugu. Bazkal ondoren, nahi duenak herri honetako kanpoko igerilekuan hartu dezake bainua, indarrak berritzeko. Ederra plana, ezta? Ba eman izena gure web orrian eta etorri gurekin!

  • Eguna: ekainak 19, igandea.
  • Ibilaldi mota: goizeko mendia ibilaldia + arratsalde pasa Irurtzungo kanpoko igerilekuan.
  • Irteera: goizeko 9:00etan, anbulategi aurretik.
  • Itzulera: itzulerako autobusa 18:30-19:00etan hartuko dugu.
  • Ordaina (autobusean bertan egingo da):
    • Bazkideak: 10 euro.
    • Bazkide ez direnak: 15 euro.
    • Ordainean ez dago sartuta igerilekuko sarrera.
  • Ibilbidea: hemen.

Izen-emate formularioa

Lege oharra eta Pribatasun Politika irakurri

Formulario hau betez ematen dizkiguzun datu pertsonalak Lagun Onak MB-k, webgune honen arduradun gisa tratatuko dituela jakinarazten dizugu. Bidalitako datuak ez zaizkie hirugarrenei emango. Zure kontua sortutakoan, zure profilean datuak aldatzeko aukera izango duzu. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: lagunonakmb@hotmail.com. Datuen babesari buruzko informazio gehigarria eta xehatua gure pribatasun-politikan kontsulta dezakezu.

Azpeitia-Iruñea: 5. etapa

el .

20220608 Azpeitia Iruñea 5

Uztailaren 2an egingo dugu #AzpeitiaIruñea ekimenaren azken etapa. Goiz gabiltzala? Ba bai, baina adi, irteera berezia izango da eta. Hasteko, 7:30etan elkartuko gara anbulatorio aurrean. Behin Oteitzara iritsita, Ezkaba mendira igoko gara eta bertako gotorlekua inguratuko dugu. Eraikina espetxe bihurtu zen 30eko hamarkadan, eta leku garrantzitsua du Euskal Herriaren historia beltzean.

Ibilbidea Iruñeko alde zaharrean amaituko dugu, eta ondoren Uslaer jatetxean egingo dugu ibilaldi-amaierako bazkaria. Hemendik aurrera, bi aukera dituzue:

  1. Autobusez Azpeitira itzultzea.
  2. Autobusez Berara joan eta Larrun mendira igotzea, gau horretan egingo den eta Gure Eskuk antolatu duen #PirinioetakoBidea ekimenean parte hartzeko.

Bi aukeretako salneurria berdina da (50 euro), eta dena dago sartuta: autobusak, bazkaria eta Gure Eskuk antolatutako ekimenean izen ematea. Plan bat edo beste aukeratu, irteeran izena emateko modu bakarra elkarteko tabernan salgai jarriko diren txartelak erostea da. Animatu!

  • Eguna: uztailak 2, larunbata.
  • Ibilaldi mota: helduen egun osoko ibilaldia.
  • Irteera: goizeko 7:30etan, anbulatorio aurretik.
  • Bazkaria: 14:15etan, Iruñeko Uslaer jatetxean.
  • Izen ematea: Lagun Onak MBren tabernan salgai egongo diren txartelak erosita (ekainaren 9tik aurrera).
  • Izena emateko azken eguna: ekainak 26, igandea.
  • Ordaina: 50 euro (autobusak + bazkaria + Gure Eskuren ekimenean parte hartu behar dutenen izen ematea).
  • Ibilbidea: hemen.