Noticias - Asociación de Montaña Lagun Onak, Gipuzkoa

Azpeitia mugaz muga 2021

el .

Zailtasunak zailtasun, martxan segitzen dugu. Oraingo honetan, gure 75. urtemugako programan aurreikusitako beste egitasmo bat aurkeztera gatoz, zuen proposamenei jarraiki antolatutakoa gainera: Azpeitia #MugazMuga zeharkatzea, lau etapatan. Urrutira joan gabe, bide berriak eta ikuspegi ezberdinak ezagutzeko aukera aparta. Aurki iragarri eta egingo dugu lehenengo etapa, beraz adi gure sareei!

Gure 75. urtemuga Berrian

el .

Elkartearen 75 urteko ibilbideari errepasoa egin diogu gaurko Berrian. Momentu eder zein txarragoak bizi izan ditugu iraganean, baina batez ere etorkizunera begiratzen duen taldea da gurea. Erreportajearen hariari helduta, milaka taupada eman ditugu, eta milaka taupada ditugu emateko! Eskerrik beroenak Unai Ugartemendia kazetariari, badakik gurean beti haizela ongietorria! 😉

Erreportaje osoa Berriaren webgunean duzue irakurgai.

#MendikoAhotsak: Mikel Sarasola

el .

#MendikoAhotsak emanaldi zikloan, lehorretik uretara pasako gara otsaileko saioan, Mikel Sarasola ur lasterretako kayaklaria izango baita gurean. Nazioartean piraguismoko txapelketetan hainbat garaipen lortu ostean, munduan zehar ibili da abenturaz abentura, ibai basatienetan eta mendi handietako magal elurtuetan behera. Otsaileko saioan, Groenlandian bizitako azkeneko abenturari buruzko filma eta hitzaldia eskainiko dizkigu. Gonbidapenak labur.eus/ahotsak2 estekan dituzue. Animatu!

Erreportajea Uztarrian

el .

Uztarriako otsaileko aldizkarian Anartz Izagirre kazetariak elkarteari buruz egin duen erreportajea duzue irakurgai. Testuan gure 75. urtemuga dugu batez ere hizpide, baina iraganeko kontuak eta etorkizuneko planak ahaztu gabe. Erreportaje benetan txukuna eta irakurketa gomendagarria, eskerrik asko Anartzi egindako lanagatik eta Uztarriari emandako aukeragatik! 😉

#75tontor: urtarrileko sariak

el .

 

 

 

 

 

 

 

 

 

 

 

 

 

 

Lehiaketan parte hartzeko,bidalitako argazkiak ikusi ahal izateko: https://flic.kr/s/aHsmU5XGLA

Egin berri dugu #75tontor mendi erronkako urtarrileko zozketa, eta irudian dituzue sarien irabazleak. Zorionak denoi! Eta, aldi berean, eskerrik asko, itzela izan baita jaso dugun erantzuna: denon artean, 220 gailur egin dituzue, 400 argazkitik gora jaso ditugu... Ikaragarria izan da! Bide batez, eskerrik asko gure babesleei: Santi Lazkano Kirolak, Jostaldi Kirolak, Bertan Merkatari Elkartea eta Euskadi Sport. Osasun egoerak ahalbidetu bezain pronto itzuliko gara, beraz adi gure sareei sozialei.