Azken Berriak - Lagun Onak Mendi Bazkuna, Gipuzkoa

Txalintxoko zirkularra

Data: .

Herriko plazatik hasiko gara, eta handik Loiolara joango gara, eta hemen Aldakaitz ondotik jarraituko dugu, Loiolako aterpetxe aurreraino iritsi arte. Puntu honetan bidegorria utzi eta Mandiolatza baserrira abiatzen den bidea hartuko dugu. Bertatik gora eginda Txalintxoko gurutzera iritsiko gara.
Atzera egin, belardira itzuli eta Munoaundi azpialdetik Kukuerriko Mendizabal baserrira iritsiko gara. Hemendik Munoaundi ikusteko aukera izango genuke, ibilalditik zertxobait ateraz gero aterata. Mendizabaletik gora jarraituko diogu bideari, Larrume Txikira heltzeko. Ondoren Loiola aldera jaisten hasiko gara, baina Lete/Letetxo aurrera desbideratuko gara eta bertan abiatzen den bidean behera eginda Agitera iritsiko gara. Sokin aurretik beheraka egin eta berriro ere Loiolan izango gara. Ibilaldia bukatzeko Azpeitira itzultzea geldituko litzateke.

Bideoa: https://youtu.be/m39ZZItJ15E

Tracka: www.labur.eus/txalintxo