Animatu taldean entrenatzera!!
Argazkia: @rsalanova
Aupa lagunak Domusa Teknik 40 mlk bigarren edizioa ere martxan da, gure lasterketan gero eta emakume gehiago parte hartzera bultzatu asmoz, hainbat ekitaldi antolatuko ditugu.
Horietariko bat Salomon Next Gen taldeko Malen Osa Oñatiarrak gidatutako entrenamendu saio bat izango da.Bertan parte hartzeko, Lagun Onak MB-ko web orrian sartu eta izena ematea besterik ez da behar.
Bete beharreko bi arau bakarrik daude: emakumea izatea eta lasterketarako gogoa edukitzea. Gizonek ere parte hartu ahal izango dute, baina baldintza batekin: bakoitzak emakume batekin etorri behar du.
Azaltzen den emakume bakoitzak, zenbaki bat izango du, aurrerago egiten ditugun egitasmoetan zenbaki gehiago joango gara ematen, eta, aurrerago, gure lasterketako dortsalak zozketatuko ditugu beraien artean!
Eguna, azaroak 5, 9:00etan Azpeitiko igerilekuan. Ondoren, Lagun Onak MB-ko tabernan, solasaldia (Malen Osa) eta hamaiketakoa egongo dira.
Ibilbidea 15km ingurukoa izango da.
Animatu!!