Azpeitia-3EM ekimeneko laugarren etapa ate joka dugu. Oraingo honetan, herriguneak utzi eta Nafarroako basoetan barneratuko gara. Utzi genuen lekutik abiatuko gara, Labaienetik, eta Belateko Kontserbazio Bereziko Eremua ia-ia alderik alde gurutzatuko dugu, izen bera daraman mendatean amaitu arte. Zinez paisaia ederrak dituela ibilbideak! Izen-ematea, ohi bezala, gure web orriaren bitartez egin dezakezue. Animatu eta etorri gurekin!

• Eguna: apirilak 1, larunbata.
• Ibilaldi mota: helduen egun osoko ibilaldia.
• Ibilbidearen ezaugarriak: 17 kilometro, +900 metro.
• Irteera: goizeko 7:30etan, anbulategi aurretik.
• Ordaina (autobusean bertan egingo da):
  • Bazkideak: 10 euro.
  • Bazkide ez direnak: 15 euro.
• Izena emateko azken eguna: martxoak 30 osteguna.
• Ibilbidearen track-a: hemen.

Izen ematea ongi gauzatu dela baieztatzeko, email bat jasoko duzu.