Noticias - Asociación de Montaña Lagun Onak, Gipuzkoa

Azpeitia-Gasteiz: 4. etapa

el .

20250512 Etapa4

Maiatzaren 31n egingo dugu #Azpeitia3HGasteiz ekimenaren laugarrengo etapa. Ibilbideak hainbat leku interesgarri eskaintzen ditu: Elgea azpialdeko basoak, Andarto inguruak, Degurixa, Leitzgarate eta Makatzgain mendiak… Denak ere, ohiko ibilbideetatik kanpo dauden bazter ederrak.

  • Eguna: maiatzak 31, larunbata.
  • Ibilaldi mota: helduen egun osoko ibilaldia.
  • Ibilbidearen ezaugarriak: 27 kilometro, +900 metro.
  • Irteera: goizeko 7:00etan, anbulategi aurretik.
  • Ordaina (aurrez egin beharko da, behean dituzue jarraibideak):
    • Bazkideak: 15 euro.
    • Bazkide ez direnak: 20 euro.
  • Izena emateko azken eguna: maiatzak 29, osteguna.
  • Ibilbidearen track-a: hemen.

GOGORATU! Aurten ordainketa egiteko kontu-korronte berria daukagu.

  • Rural Kutxako Azpeitiko bulegoan ibilaldirako ordainketa egiten dutenek ekimenerako propio atera dugun kamiseta jasoko dute.
  • Bestalde Rural Kutxan kontua duten edo egiten duten ibilaldiko partaideek ibilaldiko ordaina berreskuratuko dute.
  • Kontu korronte zenbakia: ES05 3008 0152 64 5416695822 (Rural Kutxa).
  • Gogoratu ordainketa egiterako orduan, parte-hartzailearen izen-abizenak adierazi behar direla.

Izen-emate formularioa

Lege oharra eta Pribatasun Politika irakurri

Formulario hau betez ematen dizkiguzun datu pertsonalak Lagun Onak MB-k, webgune honen arduradun gisa tratatuko dituela jakinarazten dizugu. Bidalitako datuak ez zaizkie hirugarrenei emango. Zure kontua sortutakoan, zure profilean datuak aldatzeko aukera izango duzu. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: lagunonakmb@hotmail.com. Datuen babesari buruzko informazio gehigarria eta xehatua gure pribatasun-politikan kontsulta dezakezu.

Txalintxoko Eguna 2025

el .

20250518 Txalintxo

Maiatzaren 18an gure egutegiko hitzordu finko horietako bat egingo dugu: Txalintxoko Eguna, ume, gaztetxo zein helduentzat plan ederra!

Goizeko 9:00etan abiatuko gara denok batera herriko plazatik. Animatu, egun polita izan ohi da eta!

XXVI. Itsasaldeko Ibilaldi Neurtua

el .

20250409 Kartela

Ekainaren 15ean egingo dugu aurtengo Itsasaldeko Ibilaldi Neurtua eta, honela, ekimen hau bere XXVI. edizioara iritsiko da. Ohi bezala, bi ibilaldi egongo dira aukeran, luzea (26km) eta laburra (16km).

Biak ala biak Izarraizko natur gunean murgiltzen dira, eta Erloko gailurra dute ibilbideko punturik altuena.

Irteera Azpeitiko enparantza nagusian izango da.

Amaieran, paella egongo da eta baita dutxa zerbitzua ere Izarraitz frontoian.

Lagun Onak M.B ko bazkideek 15 euro ordainduko dute eta bazkide ez direnek 20 euro. Egunean bertan izena ematen duenak 25 euro ordaindu beharko ditu eta ez du kamiseta ziurtatuta izango.

Azkenik, gogoratu anoa postuetan ez dela edalontzirik egongo, eta norberak arduratu beharko duela bere edalontzia ekartzeaz.

Izen-emateak www.kronoak.eus webgunearen bidez egin daitezke jada.

Animatu eta parte hartu!

Udaberriko Mendi Astea 2025

el .

20250502 Mendi Astea

Maiatzean sartu berri gara eta, honekin, aurtengo Udaberriko Mendi Asterako prestatu dugun menua aurreratzen dizuegu:

  1. Mendi Tour, Mendi Filmen pelikula onenen aukeraketa.
  2. ‘Ixiltasunetik, munduari begira’ dokumentala (2023ko Takolo Bekaren irabazlea).
  3. Ama Dablam, Mikel Agirre herritarraren eskutik.

Aurki emango dizuegu emanaldi bakoitzari buruzko informazio gehiago. Beraz adi gure sareei!

Ekainean Pirinioetara goaz!

el .

20250607 Arriel

Azkenaldian ez genuen eguraldiarekin zorte handirik izango, baina egoskorrak gara: ekainean, Pirinioetara goaz! Proposatzen dugun ibilbidea polita eta ezberdina da, eta bi egunen artean 40 kilometro inguru eta 2.800 metroko desnibel positiboa egingo ditugu.

Ibilbidea harritsua da oso, eta zati teknikoak ditu. Bi egunetan egongo da gainera gailurra egiteko aukera: larunbatean Arriel (2.824 metro) eta igandean Musales (2.652 metro). Bi tontorrak egitea, hori bai, aukerakoa izango dira.

IBILALDIA ETA ORDUAK

Lagun Onak Mendi Bazkunak honako egitaraua antolatu eta aurreikusten du ekainaren 7 eta 8ko astebururako baina, eguraldi iragarpen edo beste edozein gertaeren aurrean, azken orduko aldaketak egin litzake.

  • Ekainak 7, larunbata: Soques – Arrémoulit – Petit Arriel (Arriel aukeran) – Arrémoulit – Col de la Lie – Larribet (18 km, +1.800m):
    Irteera: autobusez egingo da bidaia, eta goizeko 2:00etan aterako gara Azpeitiko anbulategi aurretik.
    Lo-lekua: etapa amaieran Larribeteko aterpean afaldu eta bertan egingo dugu lo. Ondorioz, norberaren ardura izango aterpean lo egiteko zakua edo izara eta frontala eramatea.
  • Ekainak 8, igandea: Larribet – Ciseaux bretxa – Ibones de Arriel – Respomuso (Musales aukeran) – Sallent de Gallego (20 km, +1.000m):
    Gosaria: Larribeteko aterpean egingo da. Horren ostean, oinez hasiko gara.

ORDAINA

Ordainak autobusa, aterpeko egonaldia, afaria eta gosaria hartzen ditu barne. Hortik kanpo dauden otordu guztiak norberaren ardura izango dira.

  • Lagun Onak MBko bazkideak: 90 euro.
  • Lagun Onak MBko bazkide ez direnak: 110 euro.

IZEN-EMATEA

Izena emateko, Lagun Onak MBren kontu korrontean (Rural Kutxa: ES05 3008 0152 64 5416695822) norbere izen abizenekin diru sarrera egin beharko, eta ordainagiria Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera bidali gero, baita antolakuntzak jakin beharreko beste edozein informazio ere.

GARRANTZITSUA! Irteeran parte hartzeko beharrezkoa da federatua izatea eta federatu txartela gainean eramatea.

Más artículos...