Ate joka dugu Udaberriko Mendi Astea! Urtero legez, denetik biltzen saiatu gara: alpinismoa, abenturak, gertukoen bizipenak, txirrindularitza… Hiru hitzordu ditugu agendan:

1.  M21, Asteartea: Alpeetako Zortzi Handiak, Jon Bikendi herritarrak pasa den udan bizikletaz gauzatu duen abentura ikusgarria. Basazabal Jauregian.
2. M22, Asteazkena: Mikel Saez de Urabain alpinistak udazkenean Indiako Himalayan bizitako abenturak partekatuko ditu gurekin. Basazabal Jauregian.
3. M23, Osteguna: Mendi Tour, Mendi Filmeko onena. Soreasu antzokian (sarrerak Kulturaz-en web orrian).

Egitasmoa Azpeitiko Udalaren eta Kulturaz Kooperatibaren laguntzarekin egingo da. Animatu!