mega888 apk Azken Berriak - Lagun Onak Mendi Bazkuna, Gipuzkoa

Azken Berriak - Lagun Onak Mendi Bazkuna, Gipuzkoa

#75tontor: martxoko sariak

Data: .

Egin berri dugu #75tontor mendi erronkako martxoko zozketa, eta irudian dituzue irabazleak. Urtarrilean bezala, hilabete honetan ere sekulakoa izan da zuen partetik jaso dugun erantzuna: 17 lagunek osatu duzue hilabeteko erronka eta, denon artean, 260 gailur egin dituzue.

Hori dela eta, ohiko sariez gain, bi gehigarri zozkatu ditugu. Batetik, Landeta Jatetxea Sagardotegian bi lagunentzako otordua erronka osatu dutenen artean eta, bestetik, Kolpeka Oinetakoen Konponketetan zola aldaketa bat, tontorren bat egin duzuenon artean. Zorionak irabazleei eta eskerrik beroenak parte hartzaile zein babesleei, segi Euskal Herriko tontorrak astintzen!

3. etapa - Azpeitia mugaz muga

Data: .

IMG 20210225 WA0031

­čąż Aste Santutako parentesia pasata, herriko mugak zeharkatzen jarraitzeko unea da. Domusa parean amaitu genuen azken etapa, eta bertatik ekingo diogu bideari: Irurena parean Errezil ibaiaren bailara utzi, Sa├▒ura igo eta handik Lasaora jaitsiko gara, lau bat ordutan osatzea espero dugun ibilbidea. Autobusa erabiliko dugunez, beharrezkoa da gure webgunean izena ematea. Etxe ondoan ditugun bideak dira, baina seguru askok ezezagun dituzuela. Animatu!

Irteera: 8tan Anbulategi aurrean.

Ordaina: 5ÔéČ autobusean bertan.

Covidak eragindako osasun egoera dela eta, kirol ekintzetan beharrezko diren protokoloak jarraitu beharko dira. Gehienez 6 laguneko taldeak antolatuko dira irteera puntuan. Norbaitek izena eman eta irteera egunean sintomarik balu, etxean gelditu beharko du.

Izen ematea (Apirilak 15, ostegun gaueko 21:00 arte):

Eman Izena:

 

Ibilaldiko Tracka:

17.1 km, 04:26:58

 

#75tontor: apirileko erronka

Data: .

Datorren ostegunean sartuko gara apirilean eta, honekin, hilabete honi dagokion #75tontor erronkatxoa aurkezten dizuegu. Gaur gaurkoz mugikortasunak dituen baldintzak kontutan hartu ditugu eta, ondorioz, Araba, Bizkaia eta Gipuzkoan dauden zazpi gailur dira apirilean egin beharrekoak.

Bestalde, gogoratu martxoko erronka apirilaren 11ra arte luzatu dugula eta, beraz, oraindik ere badituzuela egunak erronkatxo hau osatzeko. Beti bezala, ekimenari buruzko informazio guztia labur.eus/75tontor web orrian duzue. Probestu oporrak eta parte hartu erronkan!

90 lagun, igandean Haitzbakarrera eginiko gaztetxoen irteeran

Data: .

Igandean haur eta gaztetxoen irteera egin genuen Haitzbakar aldera eta erantzuna primerakoa izan zen: 90 lagun, giro eta ibilbide paregabeaz gozatzen. Sekulako harribitxiak ditugu etxetik bi pausura! Elkartearen partetik, ekimenaren balorazio oso positiboa. Eskerrik beroenak asteburu honetako ekintzetan parte hartzera animatu zareten guztioi, egitasmoak prestatzen jarraitzeko motibazioa ematen diguzue! Laster arte!

Argazki guztiak gure Flickr galerian dituzue. 

100 lagun baino gehiago #MugazMuga-ren bigarren etapan

Data: .

105 lagun elkartu ginen pasa den larunbatean Azpeitia #MugazMuga ekimeneko bigarren etapa egiteko. Matxinbentatik Domusa enpresa pareraino joan ginen 15 kilometro pasatxoko ibilbidea osatuz, eta bidean Nuarbe, Eizmendi eta Altzartetik pasata. Eguraldi ona eta giro are hobeagoa mendizaleen artean, eta beraz irteeraz egin dugun balorazioa ere ezin hobea da. Aurki hirugarrena, beraz adi gure sareei!


Argazki gehiago gure Flickerrean.